“انا شاركت في ثورة يناير”

كان نفسي اقول اني “شاركت في ثورة يناير” لكن للاسف وقتها كان عندي 13 سنة و مشاركتش في الثورة ولا نزلت ميادين ولا اي حاجة من الحاجات دي, لكن منذ اليوم الاول ليها و انا مؤيد للثورة, يمكن ﻷنها كانت صح, يمكن ﻷنها حصلت في بدايات مراهقتي و كان علي هوايا وقتها جو الثورات و الحاجات دي, في الحالتين, لا يمكن الانكار ان ثورة يناير كانت نقطة تحول فارقة في طريقة تفكيري و ادراكي للدنيا حواليا, و جت في لقطة مهمة في حياتي وقت تشكل شخصيتي المستقلة.

بسبب عدة احداث و معطيات, اهمها الثورة, اتعلمت ان مفيش حد مقدس في الارض, و ان كل الناس اللي بتغلط بتتحاسب, و مفيش سبب لتمجيد الحكومات و الهيئات السلطوية عامة, و اتعرفت عالسياسة و قذارتها ( بل و كرهتها وبعدت عنها) في سن صغير جدا, و اتعلمت اتقبل الناس علي اختلافهم و ان دايما ممكن يجمعنا حاجة اكبر من مجرد الطبقة الاجتماعية او السن او المهنة او العقيدة حتي, قد تكون الحاجة دي الوطن, او المصلحة المشتركة للبقاء, قد تكون الانسانية و المشاعر النبيلة, المهم ان فيه غاية اكبر للوجود بيدور بسببها الاشياء, و شهور الثورة الاولي ساعدتني ادرك ده.

قد تكون الثورة فشلت, قد يكون احدهم ركبها, قد يكون باعنا احدهم في احدي شوارع وسط البلد اللي بيرتجفوا لما يسمعوا اسمه, قد تكون الثورة خامدة دلوقتي وهتقوم بشكل اعنف بعدين, قد تستحق مصر المحاولة تاني عشانها و قد لا تستحق,, لكن الاهم, ان ثورة يناير كانت من اهم الاحداث اللي سعيد اني عاصرتها و هتفضل علامة فارقة في تفكيري 

المجد للثورات اينما كانت. 

50795483_2440460419300966_5585086273837596672_n

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

A WordPress.com Website.

Up ↑

%d bloggers like this: